ओमेगा-३ फ्याटी एसिड एक प्रकारको पोलीअनस्याचुरेटेड फ्याट हो, जुन मानव स्वास्थ्यका लागि निकै लाभदायक मानिन्छ। यसले शरीरका कोषिकाको झिल्ली निर्माणमा महत्वपूर्ण भूमिका खेल्छ र शरीरका प्रत्येक भागमा पाइन्छ, विशेषगरी मस्तिष्क र कोषिकाहरूमा यसको मात्रा उच्च हुन्छ।
ओमेगा-३ फ्याटी एसिडले मुटुलाई स्वस्थ राख्न, मस्तिष्कको कार्यक्षमता बढाउन, हर्मोन उत्पादनमा मद्दत गर्न, रगत जम्नबाट रोक्न र कोशिकाको कार्यप्रणालीलाई सुचारु राख्न सहयोग गर्छ।
ओमेगा-३ फ्याटी एसिडको कमीले शरीरमा थकान, कमजोरी, स्मरणशक्तिमा समस्या, छाला सुख्खा हुनु, मुटु सम्बन्धी समस्या, मूड परिवर्तन र डिप्रेसन जस्ता समस्याहरू निम्त्याउन सक्छ। कपालको चमक हराएर झर्न थाल्नु पनि यसको कमीको संकेत हुन सक्छ।
ओमेगा-३ फ्याटी एसिड मुख्यतया माछा (सामन, टुना) र विभिन्न वनस्पति तेलहरूमा पाइन्छ। यसका साथै बदाम, ओखर र फर्सीको बियाँमा पनि यो उपलब्ध हुन्छ। ओमेगा-३ फ्याटी एसिडयुक्त खानेकुरा आफ्नो भोजनमा समावेश गर्न आवश्यक छ। यदि तपाईंलाई यसको कमी भएको आशंका छ भने, चिकित्सकको परामर्श लिनु उचित हुन्छ।
