सुन्दर देखिनु सबैको चाहना हुन्छ। यस चाहनालाई पूरा गर्न मानिसहरू विभिन्न उपाय अपनाउँछन्। महँगो सौन्दर्य सामग्रीदेखि घरेलु उपायसम्म, मानिसहरू आफ्नो छालालाई निखार्न र सुन्दरता बढाउन धेरै काम गर्छन्। तर, धेरै प्रयास गर्दा पनि मन मुताबिकको नतिजा नआउन सक्छ र धेरै छालाका समस्याले अनुहारको चमक कम गर्छन्।
पिम्पल यस्तै समस्यामध्ये एक हो, जसले गर्दा केटा होस् वा केटी सबैलाई सताउँछ। यस्तो अवस्थामा आज हामी तपाईँलाई फिटकिरीको प्रयोगबाट कसरी आफ्नो अनुहारको चमक फर्काउन सकिन्छ र यसले कसरी मुँहासेबाट छुटकारा पाउन मद्दत गर्छ भन्ने बारेमा जानकारी दिनेछौँ। आउनुहोस्, पिम्पलका लागि फिटकिरीको टोनर (Alum toner) कसरी बनाउने र यसको प्रयोग गर्ने तरिका जानौं।
अनुहारका लागि फिटकिरीका फाइदा
फिटकिरी धेरै तरिकाले हाम्रो लागि लाभदायक हुन्छ। यसले मुखको स्वास्थ्यलाई राम्रो बनाउनुका साथै छालासँग सम्बन्धित समस्याहरू हटाउन पनि मद्दत गर्छ। यसलाई नियमित रूपमा अनुहारमा लगाउनाले धेरै समस्याहरू हट्छन्। यसले डार्क स्पटलाई हल्का बनाउन मद्दत गर्नुका साथै यसको एन्टी ब्याक्टेरियल गुणले कील-मुँहासे निको पार्न पनि सहयोगी हुन्छ।
कसरी बनाउने फिटकिरीको टोनर?
सामग्री
- फिटकिरीको सानो टुक्रा
- एक कप पानी
- थोरै गुलाब जल
बनाउने तरिका
- पहिलो तरिका: छालासँग सम्बन्धित समस्याहरू हटाउन १ कचैरा पानीमा थोरै फिटकिरीको पाउडर मिलाउनुहोस्। अब यसमा १ चमच गुलाब जल मिसाएर राम्रोसँग मिक्स गर्नुहोस् र स्प्रे बोतलमा भरेर फ्रिजमा राख्नुहोस्।
- दोस्रो तरिका: फिटकिरीको जादुमय टोनर बनाउनका लागि यसको टुक्रालाई तातो पानीमा हालेर ५ देखि ७ मिनेटसम्म राम्रोसँग घुमाउनुहोस्। अब यसलाई पानीबाट बाहिर निकाल्नुहोस्। यस पानीमा गुलाब जल मिलाउनुहोस् र त्यसपछि यो पानीलाई स्प्रे बोतलमा भर्नुहोस्।
कसरी गर्ने प्रयोग?
फिटकिरीको यो टोनर प्रयोग गर्न एकदमै सजिलो छ। यसका लागि तपाईंले हरेक दिन बिहान फेस वास गरिसकेपछि यो टोनरलाई पुरै अनुहारमा स्प्रे गर्नुपर्ने हुन्छ।
फिटकिरी टोनरका फाइदा
यसको प्रयोग नियमित रूपमा गर्नाले छालाको चमक फर्काउँछ, जसले अनुहारलाई चम्किलो बनाउँछ।
साथै यसको प्रयोगले तपाईंको ओपन पोर्स टाइट हुन्छ।
यो टोनर छालालाई चिल्लो बनाउन र मुँहासेको समस्या कम गर्न पनि सहयोगी हुन्छ।
