दक्षिण कोरियामा अप्रिल महिनामा लगातार चौथो महिना रोजगारी बढेको छ। वृद्धवृद्धाहरूका लागि रोजगारीमा भएको वृद्धिका कारण समग्र रोजगारीमा वृद्धि भएको तथ्याङ्कले देखाएको छ।
तथ्याङ्क कोरियाका अनुसार अप्रिलमा १५ वर्ष वा सोभन्दा माथिका उमेरका कार्यरत व्यक्तिहरूको सङ्ख्या एक लाख ९४ हजार अर्थात् शून्य दशमलव सात प्रतिशतले बढेर दुई करोड ८८ लाख ८७ हजार पुगेको छ।
समग्र रोजगारी वृद्धिमा वृद्धवृद्धाको भूमिका महत्वपूर्ण देखिएको छ। ६० वर्ष वा सोभन्दा बढी उमेरका लागि रोजगारीको सङ्ख्या वार्षिक आधारमा अप्रिलमा तीन लाख ४० हजारले बढेको छ भने ३० वर्ष उमेर समूहका लागि यो सङ्ख्या ९३ हजारले बढेको छ।
तर, १५–२९ वर्ष उमेर समूहका लागि रोजगारी एक लाख ७४ हजारले घटेको छ भने ४० र ५० वर्ष उमेर समूहका लागि रोजगारी ५१ हजार र १४ हजारले घटेको छ।
गत वर्षको सोही महिनाको तुलनामा अप्रिलमा उत्पादकहरू बीचको रोजगारी एक लाख २४ हजारले घटेको छ। यो सन् २०१९ फेब्रुअरीपछिको छ वर्षभन्दा बढीमा सबैभन्दा कम हो र लगातार १०औँ महिनामा गिरावटको प्रवृत्ति रहेको छ।
निर्माण र थोक तथा खुद्रा उद्योगहरूमा गुमाएको रोजगारी क्रमशः एक लाख ५० हजार र तीन हजार पुगेको छ। यो लगातार १२औँ र १४औँ महिनामा घट्दै गएको छ।
स्वास्थ्य तथा समाज कल्याण सेवा, विज्ञान तथा प्रविधि सेवा र सूचना तथा सञ्चार क्षेत्रमा रोजगारीको सङ्ख्या दुई लाख १८ हजार, एक लाख १३ हजार र ७२ हजार पुगेको छ।
अप्रिलमा बेरोजगारको सङ्ख्या आठ लाख ५४ हजार थियो। यो एक वर्ष अघिको तुलनामा ३१ हजारले कम हो। बेरोजगारी दर शून्य दशमलव एक प्रतिशतले घटेर दुई दशमलव नौ प्रतिशतमा झरेको छ।
