नेपालको अग्रणी दूरसञ्चार सेवा प्रदायक एनसेलले ग्राहकहरुलाई लक्षित गर्दै आकर्षक नयाँ प्याकहरु सार्वजनिक गरेको छ। अब ग्राहकहरुले दैनिक रु. ३० भन्दा कम मूल्यमा अनलिमिटेड भ्वाइस र डेटा सेवाको मज्जा लिन सक्नेछन्।
ग्राहकहरुको बढ्दो मागलाई मध्यनजर गर्दै एनसेलले विभिन्न प्रकारका प्याकहरु ल्याएको छ। भ्वाइस सेवामा रु. ३९ देखि रु. ५९९ सम्मका ६ वटा प्याकहरु उपलब्ध छन्। जसमा रु. १९८ मा ७ दिनको लागि अनलिमिटेड अल नेपाल प्याक पनि रहेको छ। यस प्याक अन्तर्गत ग्राहकले दैनिक केवल रु. २८.३ मा अनलिमिटेड कल गर्न सक्नेछन्।
त्यस्तै, एनसेलबाट एनसेलमा कल गर्नको लागि ३ दिनको अनलिमिटेड ডে अन नेट प्याक रु. ५० मा पाइनेछ। लामो समयको लागि कल गर्न चाहने ग्राहकहरुले रु. ५९९ मा ८४ दिनसम्मको लागि ९९९ मिनेटको अल नेपाल टक टाइम प्याक लिन सक्नेछन्।
भारतमा कुराकानी गर्नको लागि एनसेलले रु. ४९ मा २८ दिनसम्मको लागि मान्य हुने इन्टरनेशनल लङ् डिस्ट्यान्स (आइएलडी) प्याक पनि ल्याएको छ। यस प्याकमा ग्राहकहरुले प्रति मिनेट रु. २.९९ (कर बाहेक) मा कल गर्न सक्नेछन्, जुन अहिलेको शुल्कभन्दा २५ प्रतिशत सस्तो हो।
डेटा प्रयोगकर्ताहरुको लागि एनसेलले रु. ९९ मा ३ दिनको लागि अनलिमिटेड डेटा प्याक र रु. २,४९९ मा ८४ दिनको लागि अनलिमिटेड डेटा प्याक ल्याएको छ। ८४ दिने प्याकमा दैनिक डेटाको खर्च रु. २९.८ मात्र पर्नेछ।
यसका साथै, एनसेलले सधैं अन प्याक अन्तर्गत रु. १,९९९ मा २८ दिनसम्मको लागि अनलिमिटेड डेटा र भ्वाइस सेवा उपलब्ध गराएको छ। ग्राहकहरुले रु. १,१९९ मा ८४ दिनको लागि १,१९९ मिनेट अल नेपाल टक टाइम, २५ जीबी डेटा र ९९ एसएमएस पनि प्राप्त गर्न सक्नेछन्।
यी प्याकहरु *१२३# डायल गरेर, एनसेल एपमार्फत वा नजिकैको एनसेल पसलबाट लिन सकिनेछ।
एनसेलका चीफ कमर्शीयल अफिसर उमेर मोहसिनले भने, "हामी सबैका लागि कनेक्टिभिटी अझ सहज र सस्तो बनाउँदै छौं। ग्राहकहरुलाई उनीहरुको डिजिटल जीवनशैलीमा सहयोग पुर्याउन हामी सधैं तत्पर छौं।"
हाल चलिरहेको एनसेल नेपाल सुपर लिग (एनएसएल) सिजन ३ को अवसरमा एनसेलले सधैं अन रिन्यूअल प्याक र साना डेटा प्याकहरुमा आकर्षक बोनसहरु पनि प्रदान गरिरहेको छ।
