------------------------------
कि त तस्बिर कि तिम्रै न्यानो काख चाहिन्छ
यादहरुको खात बोकेको, मन भुलाउन चाहिन्छ ।।
रात कटाउन अझैपनि याद सबै आउँछन
ति निदाउन औषधीको, गोलि चाहिन्छ ।।
-----------------------------
पराइको डोली चढ्ने, रहर तिम्रो पूरा भयो
पराइकै सिन्दुर पोते, पराइकै चुरा भयो ।।
तिमी पनि बिर्सिदेउ म पनि त बिर्सिदिन्छु
छुट्टिने बेला उसको मेरो यस्तै यस्तै कुरा भयो ।।
-----------------------------
तिमीलाई मेरै कुलको, रानी बनाउँला
सँगै जीवन बिताउने घरानी बनाउँला दङ्ग ।।
आखिर मेरै बन्छ्यौ भने किन ढिला गर्छौ?
हुन्छ भने तिम्रो बहिनीलाई साली बनाउँला ।।
-----------------------------
तिरबाट पिरतिर बढ्दै जान्छ, हाम्रो माया
जरा हाली मुटुमा गढ्दै जान्छ, हाम्रो माया ।।
दुनियाँले हाम्रो कुरा जति काटुन् डाहा गरुन
हिजोभन्दा आज धेरै बढ्दै जान्छ, हाम्रो माया ।।
-----------------------------
हाम्रो प्रेम अमर राख्ने, दरबार बनाउँछु
दुनियाँकै नजर लाग्ने, घरबार बनाउँछु ।।
सधैँभरि साथ तिमीले दियौ भने यसैगरी
मनको बिकृति नहोस् त्यस्तो बजार बनाउँछु ।।
-----------------------------
मनको नाता रगतको साइनो, खास लाग्दैन
लेखेरै पाइन्छ भन्ने त्यस्तो आश लाग्दैन ।।
मेहन्दीले हातमा लेखेको, विश्वास लाग्दैन ।।
-----------------------------
कुरा खेल्छन् मनैभरि, के गर्दै होली
झझल्को आउँछ घरिघरि, के गर्दै होली ।।
वर्षायाममा सँगै मुस्कुराउँदै हिड्थ्यौ हामी
टाढा भयौँ किन हो कुन्नी, के गर्दै होली ।।
-----------------------------
याद यादहरुको श्रृंखला, घना नपठाउ
यो छातीमा पिडा थप्ने, तर्कना नपठाउ ।।
लोभलाग्दो पल होला मनमुटु शीतल होला
एकै भेट्न आउ प्रिय, सम्झना नपठाउ ।।
-----------------------------
किनकिन तिमीलाई मन पराउनुको मज्जा बेग्लै
तिम्रो नाम लिई एकान्तमा, कराउनुको मज्जा बेग्लै ।।
चाहे भनुन् दुनियाँले पागल या बहुला मलाई
रातदिन तिम्रै यादमा, हराउनुको मज्जा बेग्लै ।।
-----------------------------
तिमीलाई पाउने आशाहरु बोकी हिड्दा
थकित भए कैयौं रात रोएँ बिन्ती, कैयौं दिन मुर्छित भए ।।
लाखौं कोशिश गरेको हो तिमीलाई पाउनलाई
तरपनि तिम्रो साथ, पाउनबाट बञ्चित भए ।। ।।
-----------------------------
आँसु पिउँदै जिन्दगी जिउनुको मज्जा बेग्लै बेग्लै
चोट पिडाले फाटेको मन सिउनुको मज्जा बेग्लै ।।
सबै गर्दैन कुरा जुनेली रात पुर्णिमाको
अध्यारोमा मदिरा पिउनुको मज्जा बेग्लै ।।
-----------------------------
के के हुन्छ कहिलेकाँही, थाहा हुँदैन
चिना हेरेर मात्र भविष्य , थाहा हुँदैन ।।
अरे डाक्टर साब गहिरो घाउ दिलभित्र छ ,
हातको नाडी छामेर, थाहा हुँदैन ।।
-----------------------------
हरेकरात सपनीमा आउनु छोडिदेउ अब
यसरी मलाई सताउन, छोडिदेउ अब ।।
रुनेछौ तिमीपनि मैँ जसरी कुनैदिन
मेरो मनलाई तड्पाउन, छोडिदेउ अब ।।
-----------------------------
तिमी लिडर अनि म, सहायक भएपछि
दुनियाँकै लफङ्गो र, नालायक भएपछि ।।
कसो गरी पो हुन्थ्यो र हाम्रो मिलन
तिमी हिरोइन अनि म खलनायक भएपछि दङ्ग ।।
-----------------------------
किन हो मनमा सधैँ तिम्रै याद आउँछ
छौ कि यतै वरपर, तिम्रै याद आउँछ ।।
मौसमको कमाल या तिम्रो मायाको जादुसम्झेर
जब घरी घरी झरी पर्छ, तिम्रै याद आउँछ ।।
-----------------------------
कसको कस्तो छ मन, छुट्याउने गाह्रो
कस्तो गर्ने बोली बचन, छुट्याउने गाह्रो ।।
आफ्नै सोचेका हरुले पनि छुरा प्रहार गर्छन
को आफ्नै को बिरानो, छुट्याउनै गाह्रो ।।
