महेन्द्र सिंह धोनीले क्रिकेट जगतमा नयाँ कीर्तिमान कायम गरेका छन्। सन् २०२५ को इन्डियन प्रिमियर लिग (आईपीएल) अन्तर्गत चेन्नई सुपर किंग्स (सीएसके) र लखनऊ सुपर जायन्ट्स (एलएसजी) बीचको खेलमा धोनीले विकेटकिपिङमा दुई ठूला उपलब्धि हासिल गर्दै इतिहास रचेका हुन्।
चेन्नई सुपर किंग्सका कप्तान धोनीले लखनऊको भारत रत्न श्री अटल बिहारी वाजपेयी एकाना क्रिकेट स्टेडियममा भएको खेलमा आयुष बडोनीलाई स्टम्पिङ र ऋषभ पन्तको क्याच लिएर कीर्तिमान बनाएका हुन्। रविन्द्र जडेजाको बलमा बडोनीलाई स्टम्पिङ गरेसँगै धोनीले आईपीएलमा २०० विकेट लिने कीर्तिमानी खेलाडी बनेका छन्।
धोनीले रुतुराज गायकवाडको अनुपस्थितिमा सीएसकेको नेतृत्व गर्दै उत्कृष्ट प्रदर्शन गरिरहेका छन्। ४३ वर्षीय धोनीले यस सिजनमा ३ क्याच र ४ स्टम्पिङसहित ७ विकेट लिएका छन्। यस वर्ष अन्य कुनै पनि विकेटकिपरले एकभन्दा बढी स्टम्पिङ गरेका छैनन्।
बडोनीको विकेट धोनीको आईपीएल करियरको २०० औं विकेट थियो, जसमा १५४ क्याच र ४६ स्टम्पिङ रहेका छन्। यसमध्ये १९६ विकेट उनले विकेटकिपरको रूपमा लिएका हुन्। सन् २००८ र २००९ को सिजनमा धोनीले पार्थिव पटेलसँग विकेटकिपरको भूमिका बाँडेका थिए। विकेटकिपर बाहेक विराट कोहलीले ११६ क्याचसहित सर्वाधिक फिल्डिङ dismissal गरेका छन्।
बडोनीको स्टम्पिङ सीएसकेका लागि धोनीको २०० औं dismissal र सबै प्रतियोगिताहरूमा ५० औं स्टम्पिङ थियो। उनले यस टोलीका लागि १५० क्याच लिएका छन्। धोनी टी-२० क्रिकेटमा कुनै पनि टोलीका लागि यस्तो उपलब्धि हासिल गर्ने पहिलो खेलाडी हुन्।
सीएसकेका लागि २०० dismissal मध्ये १७६ (१३७ क्याच, ३९ स्टम्पिङ) आईपीएलमा आएका हुन्, जबकि बाँकी च्याम्पियन्स लिगमा आएका थिए। उनले राइजिंग पुणे सुपरजायन्टका लागि १८ क्याच र ७ स्टम्पिङ (२५ dismissal) पनि गरेका छन्।
